三歲無敵叻囡：「媽咪，做人真係好難丫！」
（以下對話由家長覆述）
三歲囡：「媽咪丫明明全班得我認得到小朋友d名，以前陳老師會比我派功課比小朋友，而家唔比我派係咪陳老師唔錫我喇 ？」
媽：「唔係陳老師唔錫你，但都要比其他小朋友試下架嘛！」
囡：「咁但係其他小朋友都唔識全部小朋友個名，真係得我一個識哂d小朋友個名wor」
媽：「咁不如你教下其他小朋友啦。」
囡：「我有教架，不過佢地好蠢學唔識架！」
媽：「你唔好話人蠢啦，咁樣無愛心架！咁可能陳老師就唔錫你架喇！」
囡：「我已經好叻架啦，仲要有愛心陳老師先錫我架？」
媽：「係丫！淨係叻唔夠架！仲要乖要聽話要有愛心先多人錫架！」
囡：「媽咪，做人真係好難丫！」
Search